Maganda At Pangit ngayong Pasko

Gaya ng Alpha at Omega, Itim at Puti, Umaga at Gabi, langit at lupa ang ating topic ngayun na Pangit at Maganda. Mga magkabalintunaan o kabaligtaran.

Kung nakaligtas ka nitong Pasko na buo pa ang mga daliri mo sa kamay ay maganda yan,
ngunit kung may nabawas at na injury ka, hindi mo na makanta ang,”Sampung mga
daliri,kamay at paa...” ay pangit yan. Meaning matigas ang kukuti mo.

Kung marami ka namang napamaskuhan ay maganda yan pero kung sa kurakot galing yan at mga kickback ay naku napakapangit niyan.

Kung ang syota mo naman ngayon ay sexy, ubod ng bango at ubod ng ganda ayos yan, maganda rin yan.
Ngunit kung kabaliktaran niyan ang syota mo ngayon ngunit ubod naman ng yaman ay Diyos ko, pwedi na rin yan,maganda na rin yan once naparetoki mo yan dahil sa pera niya. At least two in one yan. May pera ka na, may maganda ka pang jowa.

Actually joke lang po yan. Huwag niyo akong seryusuhin. Kahit pangit o maganda basta mahal mo ay tiyak na magiging masaya ka (Pero mas okey pa rin kung maganda,Kulit ano?).

Aanhin mo naman ang kagandahan kung tira ng karamihan
Mabuti pa ang pangit kung aking- akin lamang.
Yan ang sabi ng mga lasing na nabasted.

Aanhin mo ang damo kung patay na ang kabayo
Ibenta mo na lang sa ibang may buhay na kabayo.
Yan ang sabi ng mga sota o nag aalaga ng kabayo.

Aanhin mo ang mga ulan na yelo at malamig na paligid,
Kung sandamakmak ang mga bagyo,sunog at lindol dito.
Yan ang sabi ng DSWD volunteer.

Nasira and desktop computer namin nung araw ng bisperas ng Pasko, ika 24 ng December-pangit yan. Pero, ngunit, datapwat, subalit may natanggap akong Ipod Touch 4th gen nang araw na ring iyan.

Napakaganda niyan. Salamat po napakabait na nag ala Santa Claus.
Simpleng tao lang talaga ako, batiin mo lang ako ng Merry Christamas ay masaya na ako, Bigyan mo pa ako niyan aba, aba, aba, umabot sa tainga ang ngiti ko. Salamat talaga.

Nasa isip lang po talaga kung gusto nating maging maging masaya nung Paskong nagdaan. Naging maganda man o pangit ang Paskong lumipas. Goodbye 2010 ang Hello 2011.

Kung ano man po ang pagkakahawig sa tunay na buhay ng mga kwento dito ay sadyang hindi sinasadya. Ang mga naisulat na lugar, bagay at pangyayari ay kathang isip lamang ng may akda na walang magawa sa buhay.

Bow!

Ingat sa Araw ng Pasko

Maligayang Pasko at manigong Bagong taon mga repapeps, Mga madlang people.

Huwag na kayong humingi ng Sample! Sample! Sample! Ha, kasi I am lelly lelly lelly shy. Opo, sobrang mahiyain po talaga ako kahit ang pogi-pogi ko. Ang kokontra ay killjoy.

Gusto ko lang kayong bigyan ng warning na ingat sa pagkain ngayon ng Noche Buena.

Ingat sa cholesterol, maalat, sugar, sigarelyo at too much alcohol. Lahat ng sobra ay masama hindi lang po ang sobrang pera. Lalo na kung namimigay sa ibang mahirap gaya ko.

Ingat sa paputok. Hayaan na mo nang iba ang magpaputok at sila naman ang mapapuputukan. Makinig at manood ka na lang sa putukan at sa mga nagpapaputok, wala ka pang gastos.

Huwag ka ng maniwala sa pag papaalis ng malas dahil sa paputok. Ang daming ng minalas dahil naputukan sa taon-taon na lang ng ginawa ng Diyos.
Ngayon kung ang katabi mo naman ang may putok ay ibang usapan na yan.
Ngayon kung iba ang gusto mong iputok isure mo lang na kaya mo nang mag alaga ng baby after 9 months.
If not, ingat na rin. Better safe than sorry.

Ingat sa sunog. Uso ngayon yan at iyan ay dahil sa nag aalab na apoy.
Huwag mag laro ng apoy. Ngayon kung ibang apoy ang type mong laruin, ingat lang din at huwag kang pahuhuli. Kung sakaling mahuli ka naman (dahil walang lihim na nananatiling lihim) tandaan ang 11th commandment-“Huwag kang aamin”.
Kung ang 13th month pay mo naman ay nasunog mo dahil sa sugal, patay kang bata ka.

Wala pang yumaman sa sugal. Isa lang ang kilala kong naging Milyonaryo dahil sa sugal, dati kasi siyang Bilyonaryo. So ingatan niyo ang pera niyo.

Ingat sa magnanakaw. Ang dami ngayon niyan sa paligid. Lalo lalo na sa mga magnanakaw ng lakas, ng ari-arian ng iba at kung ano-anu pa.

And lastly, ingat sa kaibigan at kapitbahay na makikikain, makikiinom, makikisigarilyo at makiki-noche Buena.

Mag ingat sila sa iyo at ikaw ang gumawa niyan pero ingat ka na rin at baka malasing ang host mo at sumbatan ka ay masira pa ang Pasko mo.

Yan ang nangyayari sa sobrang lasing.

So Ingat na lang po.
Merry Christmas na lang po uli at Happy New year to everybody.


Photo Source: Walangblog-bloggan.blogspot.com

Malapit na ang Pasko

Photo Source: Flmovies.com
Christmas is fast approaching. It is just around the corner.

Ilang tulog na lang ay talagang darating na ang araw ng Pasko. Whether we like it or not ay hindi na natin ito mapigilan.

Ano ba ang kahulugan sa iyo ng Pasko? Uhmm, mukhang malalim yang tanong na yan..

Pero kung gusto mo sagutin yan, okay lang at mag iwan ng comment diyan sa baba.

Pag usapan na lang natin kung papano natin nalalaman na malapit na ang Pasko.

Tayo lamang ang bansang may pinakamahabang pagdiriwang nang Pasko. Imagine mo pagtuntong ng buwan ng mga may “ber” gaya ng September ay makakarinig na tayo ng mga tugtuging pamasko. Sa mga malls at Department store ay naglalabasan na ng mga panindang para sa pasko.

Maraming palatandaan na malapit na talaga ang Pasko.
1.Lumalamig na ang paligid at iba na ang simoy ng hangin. Huwag ka lang dadaan sa may mga piggery at Manokan.
2.Naglalabasan na ng mga magagarang Jacket o sweeter.
3.Marami nang palamuting pamasko na nakikita sa bawat paligid. Habang lumalapit ay lalong tumutingkad ang mga palamuti sa bawat tahanan, establisemento,paaralan pati sa ating mga kalsada.
4.Kung Tito at Tita ang tawag dati ay biglang naging Ninong at Ninang. Panay na display at pasyal sa iyo ng mga inaanak mo.
5.Yung mga Christmas carol ay dumadalas ang patugtog habang palungkot ka naman ng palungkot kung pambayad na lang sa utang ang 13th month pay mo at bonus.
6.Mga Carnaval at iba't-ibang pasyalan ay biglang nagiging uso. Laging puno ang mga ito marahil sa nagiging galante ang mga tao. Minsan lang naman ang katwiran ng mga ito.
7.Yaong mga Guard sa mga Bangko ay biglang naging masigla at panay ang bati sa mga clients nila. Isama na ang mga Teller, Janitor at pati ang Manager.
8.Yung mga listahan ng bibigyan ay inihahanda na kung may pambili. Pero kung wala nama ay listahan kung saan magtatago sa araw ng Pasko ang ni reready.
9.Yung mga taong dating may tampo sa iyo ay nagiging mabait at malambing.
10.Makikita mo sa mga mata ng mga emplyeado ang Pesos sign habang lumalapit ang bigayan ng 13th month pay. Balik simangot pagkatapos itong matanggap ito lalo na at kulang.
11.Ang mga bata naman ay Christmas Party na ang pinag uusapan. Ano ang isuuot na bagong damit, sapatos o ano man anik-anik.
12. Ang daming mga Bazar at Tiangging nagsulputan.
13.Yung pagkain gaya ng Kastanyas, Keso de bola, Ham, Hotdog, Fruit cake, pang Fruit Salad at iba pang pang Noche Buena o Buena Noche ay mabili na.
14.Dumarami na ang mga nagka Caroling.
15.Nag usbungan na uli mga tindahan ng mga Puto bungbong, Suman, at bibingka malapit sa Simbahan.
16.Simbang Gabi ay pinaghahandaan na dahil sa panata, kahilingan o pag porma sa mga Tsika Babes.
17.Nagpapapalit na ng mga bago at malutong na papel na pera, maraming barya, at sobre (Kung may budget). Kung wala naman ay Christmas card pwedi na.
Sabi nga ay “ it is the thought that counts”. Yung maalala mo ang isang mahal sa buhay ay importante na.

Teka lang at bago tayo malibang sa mga senyales ng Pasko ay huwag kalimutan na ang meaning ng Pasko ay pagpapatawad, pagmamahalan, pagpapakumbaba at pagbibigayan.

Hindi po ako pihikan. Size 8 ako sa shoes(Adidas Pwedi na), Medium size sa T-Shirt(Bench Pwedi na) at size 32 sa pantalon(Jag Pwedi na).
Kung nahirapan kayo maghanap ay BDO ang savings account ko. Pwedi ring cheque kung mas kumportable kayo. I prefer Managers Check po. Sabi nga, “ It is better to Give than to Receive”. I love the latter part.

Merry Merry Christmas na lang po. At nawa'y kasihan kayo ng Poong Maykapal ng Masaganang Pasko at maligo kayo sa Bagong Taon.

Babu at ang next topic natin ay New Year. Any Suggestions?