The Dream Match-Manny Pacquiao VS Oscar Dela Hoya

Naku po! Ilang tulog na lang at malalaman na natin kung sino sa kanila ang matututulog sa matigas na lona.
Si Manny "The Mexican Assasin" Pacquaio o si Oscar "The Destroyer" Dela Hoya.
Parehong naging kampeon sa iba't-ibang division at parehong magaling. Parehong nagsasabing mananalo lalo na at ang bawat Mrs nila ang kausapin mo.
Kung mas matangkad ng bahagya,mas mabigat ang timabng at mas mahaba ang abot ng kamay ni Oscar Dela Hoya, ay may pantapat naman na mas bata, mas mabilis at mas maliksi si Manny Pacquaio.
Kung lakas ng suntok ang pinag usapan ay hindi pa natin matiyak sa ngayun. Iyon bang nag pagaan na si Oscar o yung nagpabigat na si Manny.
Iisa lang ang tiak ko, kapag tayo ang inabautan ng suntok ng mga iyon ay suerte na natin kung magigising pa tayo sa ospital.
Lamang sa pustahan si Oscar kaysa kay Manny. Kumbaga llamado or patok na patok.
Pero diyan kasi magaling ang pinoy. Mahilig tayo sa underdog. Sa mag api.
Kasalanan lahat ng mga artista nuong unang panahon na ang mga bida ay inaapi ng mga kontra bida at sa the end ay lalabas ang rapidong suntok,palakpak sa magkabilang tainga,hahatiin ng kutsilyo ang isang bala para dalawa ang tamaan. Mga tipong ganun.
Balik tayo sa boxing. Nagagalit itong kapitbahay namin. Niloloko na naman daw tayo ng mga amerkano.

Ang linaw daw ng sabi December 6 ang laban eh bakit ngayun December 7 sa atin?
Hindi naman daw live yun. Dapat daw mag imbistiga ang Senado o Congresso.
Ipatawag daw iyan si Gloria at kanyang asawa, malamang daw ay humingi na naman ng “cut” o “Tongpats” ang mga damuhong iyon. Kaya ganun ang nangyari.
Ako: Lo! Sabado ho ng gabi dun sa Las Vegas at lingo ho dito ng umaga.
Lolo: Diyasking bata ere, huwag mo nga akong pinag luluko at laking mental ako. Batang mandaluyong ako kaya’t hindi mo ako maloloko. Paanong mangyayari iyon eh ang “good morning” nila ay umaga din naman. At ang “Good evening” nila ay sa gabi din naman ginagamit. Lokong bata ere ah!

O ayan ha! Bahala na muna kayong magpaliwag kay Lolo Jose at uuwi na muna ako.
Pag aaralan ko pa ang mga sinabi ni Lolo. Me katwiran din naman ata ano?



I found the greatest marketing idea of all time - in a FREE ebook found HERE

Manny Pacquaio Vs Oscar Dela Hoya

Photo courtesy of Pacland

Ang dami ng naisulat tungkol sa laban na ito nina Manny Pacquiao at Golden Boy Oscar dela Hoya. Magaganap sa December 6, 2008 sa MGM grand Las Vegas Nevada. Sinisugarado ng mga taong bihasa sa ganitong mga laban na tiyak na tatabo ito sa takelya at siguradong malaki ang kikitain ng parehong boksingero at mga promoters.
Malaki ang lamang sa height, reach at timbang ni Oscar dela Hoya kesa ke pangbansang kamao na si Manny Pacquaio. Marami ang natatakot at nag sasabi na delikado ang kalusugan ni Manny. Ang ilan nga dito ay gustong ipatigil ang laban sa paglapit sa Nevada Athletic Commission.
Isang tao sa kampo ni Oscar ang nagsabi na siguradong matatalo si Manny, iikot at babalintong pabagsak at susuray-suray ang paa sa hilo kapag inabot ng mga suntok ni Golden Boy.
Sa kampo naman ni Manny ay siyempre ang pambansang kamao ang mananalo, gamit ang kanyang bilis at lakas ng suntok.
Wala daw mawawala kay Manny sa labang ito at everything to gain samantalang kay Oscar ay malaki ang mawawala.
Sa tingin ko rin nga mga Tiyong mukhang dehado si Manny pero hindi ba isang sugal ang boksing at ang mga sugarol ay handang manalo at matalo.
Kanina ay napanood ko ang replay ng pangalawang laban nina Ivan Calderon at Hugo Cazares. ito ay ginanap nuong August 30, 2008. Parang preview ng magiging laban nina Manny at Oscar dahil maliit din si Calderon. Mas maliksi at mabilis din parang si Manny. Dito sa labang ito ay nanalo sa decision ang mas mallit at maliksing si Calderon.
Naisip ko posible ngang manalo si Manny kung mapag aaralan niya at makukuha ang game plan ni Ivan Calderon.
Ngayun pa lang nenerbiyos na ako...Ano sa palagay nyo partner?