Nagsarili - Hindi po ito Bastos

Nagsarili, opo, Tama po. Ang tinamaan ng magaling na cell phone ko matapos mahulog sa semento kaninang umaga ay nagsarili na. Napagod na ata sa kakahulog kaya ayun, nagsariling mag open at close.

Nagsariling nag re-start. Oh my gulay. Nagkataong may tumawag at hindi ko na masagot. Hindi ko maipaliwang na hindi ko siya binabaan ng telephone dahil ang cell phone ay nagsuplado. May sumunod pang mga text na hindi ko na mabasa. Naku Boss, Pasensiya na at ako naman ay may load, hindi ko lang masilip kung ano ang isasagot.

Mukhang tama ang sabi ng mga feng Sheu master, sa mga ipinanganak sa birth sign ng Dog ngayong taon. Masuerte raw kami.

Akalain mong nuong January 1, bag ko ay hindi ko nagamit pagkat zipper biglang di makabig. Bumigay na rin kaya ngayon ito ay bago. Bagong palit po ang zipper.

Ngayong nag sarili ang celphone ko ay mukhang bago na naman ito uli. Bagong ipaparepair. Huhuhu! Mahal na mahal ko pa naman ang smartphone ko. Walang nakakahawak at nakahipo nito kundi ako lang.
Kahit Mrs ko ipinagpalit ko dito. Pwedi ko siyang hindi katabi huwag lang ang cell phone ko.

Pero ganyan yata ang kapalaran. Ang new years resolution ko pa naman ngayong taon ay hindi ako bibili ng ano mang gamit ko na bago (Ukay-Ukay pwedi).

Kaya ako ay nananawagan sa mga mapag kawang gawa. Hindi po ako pihikan. Kahit Iphone 4 ay tatanggapin ko. Kung wala naman ay okey na rin ang Blackberry, HTC, LG, Samsung na smartphone. Kung talagang no choice na at Nokia ang type niyong ibigay ay pwedi na rin ang mga E series.

Mga Friends, ingatan niyo na lang ang mga cell phone niyo para huwag kayong magaya sa akin.
Kung bakit naman kasi hindi pataas ang hulog ng mga ito?

Taxi cab at Blackberry 8520

Naranasan niyo na bang may naiwan kayong gamit sa loob ng taxi na importante sa inyo? Naibalik ba sa inyo? Kung ang sagot sa unang tanong ay "Yes" at ang sagot sa pangalawang tanong ay "No", welcome to the club.

Yes, naiwan ng anak ko sa Johdyan Taxi kagabi ang pinakamamahal niyang Blackberry 8520 na month of August lamang niya nakuha kaya ganun na lamang ang taranta niya upang mabawi ito. Sad to say the phone is off already kaya hindi na ma-contact. Ang plate number ay TXU 439.

Nakuha naman niya ang number ng operator pero that night ay wala nang sumasagot kaya kaninang umaga na lang namin natawagan ang 4533222 na landline number.
Nang nakausap namin ang tao nila ay itinuro kami sa Cubao Branch nila. Dito daw ito nakaparada. So dial naman ako ng 4386459 na number na ibinigay ng Tandang Sora office nila.
Hindi pa naman undas pero nagitla ako dahil ang sabi ng sumagot ay sa Tandang Sora daw ito nakaparada. Nang sabihin ko na sa kanila ako itinuro ng taga Tandang Sora ay tila naging palengke ang paligid. Bulongan, sigawan at maya-maya ay ipinasa ako sa isang taong sumagot na nakaparada na daw ang taxi at aalamin daw niya. Nung alamin ko ang name ng mama ay tila galit pa na "Ganaban" daw siya. In other words napipilitan lang sumagot ang mama at wala man lamang siyang balak na ako ay balikan ng sagot dahil hindi man lamang kinukuha ang pangalan ko. Kahit balak kong ibigay pati contact information ko. In other words-"Sorry na lang".

So ang advise ko na lang sa anak ko ay forget it. Charge na lang sa experience. Kikitain pa naman yang gamit na yan pero sa taong kumuha niyan, may bad karma din yan.
Anyway, this will also served as a warning na ingatan na lang natin ang mga gamit natin sa tuwing sasakay tayo ng taxi lalo na kung yung name ng taxi ay iyang nabanggit ko.

Smart locked itong Blackberry 8520 at may IMEI #353487049581269. Color black at very smooth.
Ngayun ay kahon na lang ang naiwan/